Հայաստանը մի շարք քայլեր է նախաձեռնել Իսրայելի հետ համագործակցության ամրապնդման համար: Այս մասին մայիսի 22-ին ճեպազրույցի ժամանակ հայտարարել է ՀՀ ԱԳՆ մամուլի քարտուղար Տիգրան Բալայանը:
Մասնավորապես, նախորդ տարվա աշնանը Հայաստանի արտգործնախարարը այցելել էր Իսրայել: Այցի ընթացքում հարաբերությունների զարգացման մասին պայմանավորվածություններ էին ձեռք բերվել: «Կարծում եմ, որ այս վեկտորը կշարունակվի»,- նշեց Տիգրան Բալայանը:
Նրա խոսքով՝ Հայաստանը Իսրայելին որպես բարեկամ երկիր է ընկալում: Միեւնույն ժամանակ, Բալայանը հիշեցրեց լուրջ պատմամշակութային ժառանգության մասին: «Մենք՝ որպես այդ ժառանգության կրող պետություն, չենք կարող անտարբեր լինել Իսրայելի եւ նրա շուրջ տեղի ունեցող իրադարձությունների հանդեպ, հետեւաբար, այդ պետությունում առանձին դեսպան նշանակելը եւս այդ նպատակն էր հետապնդում», - ասաց Բալայանը:
