Նիկոլ Փաշինյանին ՀՀ վարչապետ ընտրվելու կապակցության շնորհավորական ուղերձ է հղել Մոնղոլիայի վարչապետ Ուխնաա Խուրելսուխը: Ինչպես տեղեկացրին ՀՀ կառավարության տեղեկատվության եւ հասարակայնության հետ կապերի վարչությունից, ուղերձում ասված է.
«Ակնկալում եմ մեր կառուցողական աշխատանքը՝ Հայաստանի եւ Մոնղոլիայի միջեւ ավանդական բարեկամական հարաբերությունների հետագա ընդլայնման եւ զարգացման ուղղությամբ:
Ձե՛րդ Գերազանցություն, մաղթում եմ Ձեզ քաջառողջություն եւ բարօրություն, ինչպես նաեւ Հայաստանի բարեկամ ժողովրդին՝ առաջընթաց եւ բարեկեցություն»: