News
Լրահոս
News
Երեքշաբթի
Օգոստոս 21
Տեսնել լրահոսը

Ցանկացած քրեական գործով ձերբակալումներ, կալանավորումներ կատարելու համար հիմք է պետք: Այս մասին, այսօր՝ մայիսի 23-ին, ԱԺ-ում «Հայաստանի Հանրապետության դատախազության 2017 թվականի գործունեության մասին» հաղորդումը քննարկելիս իր ելույթում նշեց գլխավոր դատախազ Արթուր Դավթյանը՝ անդրադառնալով «Ելք» խմբակցության պատգամավոր Էդմոն Մարուքյանի խոսքին, թե «զիբիլիքսի» գործով պետք էր մարդկանց ձերբակալել ու կալանավորել, ոչ թե ձեւական ցուցմունքներ վերցնել ու գործը կարճել:

«Երբ կլինեն հիմքեր, կգործադրվեն նման միջոցներ, չեն լինի՝ չեն գործադրվի: Խափանման միջոցները պետք է կիրառվեն, հակառակ պարագայում՝ չենք կարողանա բացահայտել դրանք»,- նշեց Արթուր Դավթյանը՝ հավելելով, որ երբեք իրենք խնդիր չեն դրել խոստովանական ցուցմունք չտվողին կալանավորել, իսկ ցուցմունք տվողին ազատել կալանքից, քանի որ կալանավորումն ունի հստակ հիմքեր:

Անդրադառնալով դատախազության աշխատանքին, Արթուր Դավթյանը նշեց, որ բարձր է գնահատում անցած տարի քրեական հետապնդման մարմինների կողմից իրականացված աշխատանքը. «Այդ աշխատանքը գիշերները չքնելու, սպառնալիքներին անհաղորդ մնալու, բարձր պրոֆեսիոնալիզմի արդյունք է: Մենք ունեցել ենք 2017-ի ընթացքում կոռուպցիոն այնպիսի բացահայտումներ, որոնք նախադեպը չեն ունեցել: Ես չեմ ասում, որ սրանով մենք ամբողջությամբ արմատախիլ ենք արել կոռուպցիոն, բայց մեր ձեռքբերումները հիմք են տալիս ոգեշնչվելու եւ շարունակելու մեր գործը»:

Ինչ վերաբերում է «մարտի 1»-ի գործին, գլխավոր դատախազը նշեց, որ նախաքննությունն ընթացքի մեջ է. «Ներկայումս շատ ակտիվ գործողություններ են իրականացվում տեխնիկական նոր հնարավորությունների օգտագործման համար: Վստահեցնում եմ, որ այդ գործում կա բավականին կարևոր ապացուցման առարկայի մի հատված, որը մեծապես պայմանավորված է տեխնիկական ձեռքբերումներով:

Ռոբերտ Քոչարյանի հարցաքննության հետ կապված նախ պետք է դրա համար լինեն հիմքեր: Վարությ իրականացնող մարմինն ինքն է որոշում՝ ում հարցաքննել: Եթե դա պետք է արվի, որ ցույց տանք, որ այդ տեսեք, հարցաքննվել է, դա վարույթին ոչինչ չի տա: Առաջիկայում այս գործով հնարավոր է ունենանք արդյունքներ՝ պայմանավորված այն հանգամանքով, որ մենք կունենանք քննության հետ համագործակցող անձինք»:

Արթուր Դավթյանն անդրադարձավ նաեւ իր հրաժարականի պահանջին՝ նշելով. «Ես ստանձնել եմ իմ պաշտոնը Սահմանադրությամբ սահմանված կարգով, պատասխանատվություն եմ ստանձնել պետության, ժողովրդի առջև: Քանի դեռ ես գտնում եմ, որ իմ պարտականությունները բարեխիղճ կատարելու ներուժ ունեմ, դրանք կատարում եմ»:

!
Այս նյութը հասանելի է նաև   English
Տպել
Կարդացեք նաև
Ամբողջը
ՀՔԾ-ն չմեկնաբանեց Նիկոլ Փաշինյանի՝ Մարտի 1-ի վերաբերյալ հայտարարությունը
Օգոստոսի 17-ին Հանրապետության հրապարակում հրավիրված հանրահավաքի ժամանակ Նիկոլ Փաշինյանը հայտարարել էր...
Ինչո՞ւ Ռոբերտ Քոչարյանի առանձնատանն ու գրասենյակում խուզարկության մասին տեղեկություն չի տարածվել. ՀՔԾ պարզաբանումը
Մարտի 1-ի գործի շրջանակում խուզարկություն է կատարվել...
Վերաքննիչ դատարանը վիճահարույց որոշում է կայացրել Ռոբերտ Քոչարյանի գործով. փաստաբան
«Հայաստանի երրորդ նախագահ Սերժ Սարգսյանը եւս պետք է քրեական հետապնդման ենթարկվի մարտի 1-ի գործով...
Թե ինչ նպատակ է հետապնդում խուզարկության մասին լուրերի ուշացած շրջանառումը, թողնում եմ ընթերցողներին. Վիկտոր Սողոմոնյան
ՀՀ երկրորդ նախագահ Ռոբերտ Քոչարյանի առանձնատանն ու գրասենյակում խուզարկությունն արվել է 2-3 շաբաթ առաջ...
Խուզարկություն է կատարվել Ռոբերտ Քոչարյանի առանձնատանը
Այլ մանրամասներ այս պահին հայտնի չեն...
Անհասկանալի է շտապողականությունը, որը դրսեւորեցին Ռոբերտ Քոչարյանին կալանավորելիս. առաջին օմբուդսմեն
Շատ մարդկանց իրավունքները վերականգնելու փորձ, ավելի ճիշտ ցանկություն կա: Սակայն հընթացս չպետք է խախտվեն առանձին մարդկանց իրավունքները…
Partner news