News
Լրահոս
News
Երեքշաբթի
Օգոստոս 21
Տեսնել լրահոսը


Հանրապետական խմբակցության պատգամավոր Ֆելիքս Ցոլակյանին չի մտահոգում իրեն խմբակցությունից հեռացնելու հարցը: NEWS.am-ի հետ զրույցում պատգամավորը պնդեց նախկին դիրքորոշումը՝ աշխատելու է այն սկզբունքով, որով առաջնորդվելով՝ քվեարկեց ժողովրդի առաջադրած թեկնածու Նիկոլ Փաշինյանի օգտին: 

Հիշեցնենք, որ Ֆելիքս Ցոլակյանը ՀՀԿ խմբակցության միակ պատգամավորն էր, որ մայիսի 1-ին  քվեարկեց Նիկոլ Փաշինյանի օգտին: Ըստ Հանրապետական կուսակցության կանոնակարգի, եթե խմբակցության պատգամավորը երեք անգամ խմբակցության դիրքորոշման հակառակ է քվեարկում, հեռացվում է խմբակցությունից: Օրերս  խմբակցության նիստում Ցոլակյանին զգուշացրել են այս մասին:

Մեզ հետ  զրույցում պատգամավորն ասաց, որ  շարունակելու է աշխատել իր խղճի թելադրանքով, եթե անգամ իրեն հեռացնեն խմբակցությունից:

«Հեռացնելու հարցը ինձ չի մտահոգում: Նորմալ եմ նայում, դա կուսակցության դիրքորոշումն է: Ես իմ տեսակետն ունեմ այս ամենի մասին եւ չեմ կարող իմ բռնած գծից շեղվել: Ես ոչ թե անձնավորելով եմ քվեարկել, այլ այդ իրավիճակից ելնելով,  ես առաջնորդվել եմ հանունով, ոչ թե ընդդեմով: Եթե նույն իրավիճակը կրկնվի, էլի նույնը կանեմ: Ես առաջնորդվել եմ իմ խղճի թելադրանքով: Դա պատգամավորի հիմնական առաքելություններից մեկն է, չեմ փոշմանել դրա համար»,-ասաց Ֆելիքս Ցոլակյանն՝ ընդգծելով, որ  Փաշինյանին կողմ քվեարկելը իրեն չի պարտավորեցնում նրա գլխավորած կառավարության  բոլոր նախագծերին կողմ քվեարկել:

«Այնպես չի, որ կառավարությունը ինչ նախագիծ բերի, պիտի կողմ քվեարկեմ, եթե նախագիծը չի համապատասխանի այն չափանիշներին, որ արժեք եմ համարում, չեմ քվեարկի, կապ չունի՝ ով է ներկայացնողը»:

Նա դժվարացավ ասել, թե ինչպես է քվեարկելու  Ընտրական օրենսգրքի փոփոխությունների նախագծին, որը կառավարությունը շուտով կներկայացնի Ազգային ժողով: Նախատեսվում է փոխել տարածքային ընտրացուցակների դրույթը եւ անցնել բացարձակ համամասնական ընտրակարգին: Ցոլակյանը մեծամասնական ընտրակարգին է կողմնակից, որը  ոչ կուսակցական թեկնածուներին հնարավարություն կընձեռի առաջադրվել որեւէ ընտրատարածքում: Պատգամավորը խոստացավ Ընտրական օրենսգրքի  փոփոխության մասին հստակ կարծիք հայտնել միայն նախագծի պատրաստ լինելու դեպքում:

Տպել
Կարդացեք նաև
Ամբողջը
Սահմանադրության մեջ 1-2 նախադասություն է փոխվելու. եթե կան ռիսկեր, պետք է փնտրել այլ ուղիներ. Իոաննիսյան
Նոր կառավարության 100 օրն ամփոփող հանրահավաքի ժամանակ ՀՀ վարչապետ Նիկոլ Փաշինյանն, ըստ էության, խոսեց սահմանադրական մեկ փոփոխության մասին…
Հասարակական կարծիքը չպետք է արդարադատության չափանիշ լինի. փորձագետը՝ անցումային արդարադատության ինստիտուտի մասին
Եթե այդ պայմանները ապահովված են, ապա արդյունքը կլինի հենց արդարադատությունը...
Հանրահավաքին վարչապետի մի քանի հայտարարություններ մտահոգություն են առաջացնում. փաստաբան
Նրա կարծիքով՝ պետք չէ նման սցենարով գնալ, գործադիրը չպետք է ստիպի օրենսդիր իշխանությանը…
Չարաչար սխալվում են նրանք, որոնց թվում է, թե նոստալգիայով կարող են կոռուպցիա քարոզել. Արման Եղոյան
Սա պետական կառավարման համակարգ է...
Փաշինյանի կառավարման 100 օրերը եղել են զգացմունքային, մի փոքր ցուցադրական. Րաֆֆի Հովհաննիսյան
Շատ լավ է, որ տեղերը փոխվում են եւ ամեն մեկը կարող է պարկեշտանալ…
«Ժառանգություն»–ը քաղաքապետի պաշտոնում 3 հոգու թեկնածություն է քննարկում. Րաֆֆի Հովհաննիսյան
«Ժառանգություն» կուսակցությունն ամեն ինչ անելու է, որ տակավին անկատար մեր ազգային հեղափոխությունը ամբողջանա...
Partner news