Եվրամիությունը Թեհրանի հետ միջուկային գործարքից ԱՄՆ-ի դուրս գալու որոշման կապակցությամբ Իրանում իր ներդրումները պաշտպանելու համար մտադիր է հատուկ մեխանիզմ ստեղծել, հաղորդում է ՏԱՍՍ-ը:
Բրյուսելում 28 երկրների արտգործնախարարների հանդիպումից հետո կայացած մամուլի ասուլիսում այս մասին հայտարարել է ԵՄ դիվանագիտության ղեկավար Ֆեդերիկա Մոգերինին: «Մենք որոշեցինք շարունակել աշխատել Իրանում մեր տնտեսական ներդրումները պաշտպանելու ուղղությամբ: Միեւնույն ժամանակ անդամ պետությունները նախապատրաստում եւ քննարկում են նախաձեռնությունները, որպեսզի մենք ստեղծենք մեխանիզմ, որը կլրացնի այդ միջոցներին», - ասել է նա: