News
Լրահոս
News
Կիրակի
Մայիս 05
Տեսնել լրահոսը

ՀՀԿ-ն պատրաստ է թե ընտրական օրենսգրքի շուրջ, թե արտահերթ ընտրությունների վերաբերյալ քննարկումների։ Այդ մասին ՀՀԿ ԳՄ նիստից հետո լրագրողներին ասել է արդարադատության նախկին նախարար Դավիթ Հարությունյանը։

«Սակայն համարում ենք, որ այդ քննարկումները պետք է տեղի ունենան քաղաքական ուժերի միջեւ։ Խորհրդարանում ներկայացված բոլոր ուժերը պետք է մասնակցեն այդ քննարկումներին։ Սա է պահանջում ժողովրդավարական մոտեցումը, թե մեզանում ձեւավորված ավանդույթը»,- ասել է Հարությունյանն ու հավելել. «Առ այս պահը, դեռեւս որեւէ առաջարկություն՝ մասնակցելու նման քննարկումների մասնակցելու, չենք ստացել, բայց հայտնում ենք մեր պատրաստակամությունը»։

Ըստ Հարությունյանի, իրենք ողջունում են Փաշինյանի միտքը, թե ընտրությունները պետք է անցկացվեն մի քանի կարեւորագույն մեխանիզմներ ներդնելով։ «Մասնավորապես, որպես կարեւորագույն մեխանիզմներ պարոն Փաշինյանը նշել է, որ պետք է լինի մատնահետքերի միասնական բազա․ Համարում ենք, որ սա շատ օգտակար առաջարկություն է եւ պատրաստ ենք մասնակցել քննարկումների։ Մեկ այլ դրույթ, համաձայն որի, պետք է ապահովվի ցուցակների մոբիլությունը։ Այսինքն, եթե որեւէ անձ դուրս է գալիս երկրից, պետք է արգելակփակվի նրա ընտրական իրավունքը»,-ասել է Հարությունյանը։

Նա նշել է, թե իրենք համարում են, որ ռեյտինգային համակարգը շատ օգտակար համակարգ է, քանի որ 100 տոկոսանոց ընտրակարգի դեպքում քաղաքականությունը կենտրոնանում է մայրաքաղաքներում, եւ բերում է բացասական հետեւանքների։ «Այդուհանդերձ, մենք պատրաստ ենք քննարկել այդ հարցը»,- ասել է Հարությունյանը։ Նա նաեւ հերքել է խոսակցությունները, թե իրենք տապալելու են ընտրական օրենսգրքի ու արտահերթ ընտրությունների քննարկումները։

Հարցին, արդյոք պատրաստ են արտահերթ ընտրությունների, նա պատասխանել է, որ իրենք արտահերթ ընտրությունների որեւէ արգելք չեն տեսնում, սակայն պետք է քաղաքական ուժերի միջեւ քննարկումներ լինեն։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Փաստ». Ովքեր ում դեմ են դուրս եկել
Այսօրվա իշխանությունների օրոք քաղաքական գործիք դարձած ու երկակի ստանդարտներ կիրառող...
«Փաստ». Եթե իշխանությունը գովերգում է ՄԻՊ-ին, ի՞նչ է դա նշանակում
Փաշինյանի անվան խմբակցության պատգամավորները, խոսքները մեկ արած, մի այլ կարգի գովաբանում, անգամ...
«Հրապարակ». Ոստիկանը պետք է լավ վարձատրվի եւ լավ հագնվի
Հիմա էլ պարզվում է՝ ներքին գործերի նախարարությունը ոստիկանների նոր հանդերձանք է գնում։ 1500 ոստիկանի...
«Հրապարակ». Նիկոլ Փաշինյանը սեփական անվտանգությանը վերաբերվում է հիվանդագին լրջությամբ
Բանն այն է, որ Նիկոլ Փաշինյանը մայիսի 9-ին՝ Հաղթանակի տոնի առթիվ, այցելելու է «Հաղթանակ» զբոսայգի...
«Ժողովուրդ». «Մի բարձի աշխատեք» պետական համակարգում
Լուսանկարում Բագրատ Վարդանյանն է` ՔՊ-ի փորձագետը, եւ նրա կինը` ԱԺ գործավար Ինեսսա Շահնազարյանը...
«Հրապարակ». Ինչու են ընդդիմադիր պատգամավորները հրաժարվել գործուղումներից
Օրինակ, ապրիլի 30-ից մայիսի 4-ն ԱԺ պատվիրակություն է մեկնել Վաշինգտոն, նախապես պատվիրակության...
Ամենաշատ