ԵվրոմիությունըՄիության երկրներից ներկրվող մետաղների համար մաքսատուրքեր սահմանելու ԱՄՆ որոշումը կվիճարկի Առեւտրի համաշխարհային կազմակերպության շրջանակներում։ Այս մասին Բրյուսելում մամուլի ասուլիսի ժամանակ հայտարարել է առեւտրի հարցերով հանձնակատար Սեսիլյա Մալմստրոյմը, փոխանցում է ՏԱՍՍ–ը։
Մալմստրոյմը հավելել է, որ ԵՄ–ից ներկրվող մետաղների համար մաքսատուրքեր սահմանելու Միացյալ Նահանգների որոշումը կթուլացնի տրանսատլանտյան համագործակցությունը։
«Այդ որոշումը կթուլացնի տրանսատլանտյան հարաբերությունները եւ համաշխարհային շուկան»,–ասել է նա։
Հանձնակատարը նաեւ նշել է, որ ԵՄ–ն որոշել է ԱՀԿ–ում Չինաստանի դեմ մտավոր սեփականության հարցով գործընթաց սկսել։