Boeing-ը ԱՄՆ-ի պատժամիջոցների լույսի ներքո Իրանին ինքնաթիռներ չի մատակարարի՝ այսպիսով փաստացի կասեցնելով իրանական փոխադրողների հետ պայմանագրերը: Այս մասին հաղորդում է AFP-ն՝ հղում անելով ընկերության ներկայացուցիչին:
«Մենք Իրանին ինքնաթիռներ չենք մատակարարել, եւ հաշվի առնելով, որ մենք Իրանին վաճառքի համար լիցենզիա այլեւս չունենք, մենք որեւէ ինքնաթիռ չենք մատակարարելու», - ասել է Boeing-ի ներկայացուցիչը:
Հայտարարությունը հաջորդել էր իրանական միջուկային համաձայնագրից դուրս գալու եւ պատժամիջոցները վերսկսելու մասին ԱՄՆ նախագահ Դոնալդ Թրամփի որոշմանը:
Ավելի վաղ Boeing-ը հայտարարել էր, որ հարգելու է Իրանի դեմ ԱՄՆ-ի քաղաքականությունը եւ հետաձգել էր դեպի Իրան մատակարարումները:
