Կոնգրեսականներ Չարլի Քրիստը, Սթիվ Քինգը, Էրիկ Սվալվելն ու Սթիվ Նայթը միացել են ԱՄՆ Կոնգրեսի հայկական հարցերով հանձնաժողովին: Այս մասին հաղորդում է Ամերիկայի Հայկական Համագումարը: Այդպես, հանձնաժողովի անդամների թիվը հասել է մինչեւ 122-ի:
Համագումարի գործադիր տնօրեն Բրայան Արդունիի խոսքով՝ կոմիտեն կշարունակի աշխատել կոնգրեսականների հետ հայ-ամերիկյան հարաբերությունների ամրապնդման ուղղությամբ:
Հայկական հարցերով կոմիտեն հիմնադրվել է 1995 թվականին՝ որպես ԱՄՆ-ի եւ Հայաստանի միջեւ հարաբերությունների պահպանման եւ ամրապնդմանն ուղղված օրենսդիրների ոչ պաշտոնական, երկկուսակցական խումբ: Կոմիտեի համանախագահներն են Ֆրենկ Պալոնեն, Ջեքի Սփիերը, Դեվիդ Թրոթը, Դեվիդ Վալադաոն: Փոխնախագահներն են Ադամ Շիֆը եւ Գուս Բիլիրակիսը:
