ԱՄՆ-ն շահագրգռված է Եվրոպական միության հետ առեւտրային տարաձայնությունների լուծմամբ: Այս մասին հայտարարել է Գերմանիայի տնտեսության նախարար Պիտեր Ալթմայերը՝ նշելով, որ այն բանից հետո, երբ ԵՄ-ն միասնություն ցուցաբերեց, գնդակը ԱՄՆ-ի դաշտում է, փոխանցում է Reuters-ը:
Ալթմայերը հույս է հայտնել, որ ԱՄՆ նախագահ Դոնալդ Թրամփի կողմից պողպատի եւ ալյումինի ներկրման համար մաքսատուրքերի սահմանմանն ի պատասխան ԵՄ-ի հստակ եւ միասնական դիրքորոշումը կստիպի Վաշինգտոնին վերանայել իր որոշումը: «Գնդակն այժմ մեր ամերիկացի գործընկերների դաշտում է: Կարծում եմ, որ համաձայնության հասնելը բխում է ԱՄՆ-ի շահերից»,- ասաց նա: