Կուտակային կենսաթոշակային համակարգի պարտադիր բաղադրիչը պետք է պահպանվի: Այս մասին հունիսի 11-ի PEMPAL ծրագրի՝ ներքին աուդիտի մասով մասնագիտացած համայնքի 47-րդ նիստի շրջանակներում լրագրողների հետ զրույցում ասաց ՀՀ ֆինանսների նախկին նախարար Վարդան Արամյանը:
Արամյանի խոսքով՝ դատելով Հայաստանի նոր կառավարության գործողություններց՝ PEMPAL-ը հաստատում է, որ երկրում իրականացվող կենսաթոշակային բարեփոխումները ճիշտ եւ անխուսափելի են: «Իրավիճակն այնպիսին է, եւ դա փաստել է նաեւ վարչապետը, որ աշխատաշուկայում զբաղվածների մեծ մասը ներառված է կուտակային կենսաթոշակային համակարգում, իսկ համակարգն արդեն ցույց է տվել, որ կենսունակ է: Բացի այդ, արդեն խնայողություններ են կուտակվել» - ասաց Արամյանը:
Ըստ նախկին նախարարի՝ կուտակային կենսաթոշակային համակարգը, որը հուլիսի 1-ից պետք է պարտադիր դառնա բոլորի համար, քաղաքացիների եկամուտների որոշակի կրճատման կհանգեցնի, որոնք պետք է այժմ ընդգրկվեն համակարգում: «Այնուամենայնիվ, կենսաթոշակային համակարգի պարտադիր բաղադրիչը ոչ թե հարկի տեսակ է, այլ՝ խնայողությունները, որոնցում հավասար պայմաններով ներդրում է կատարում նաեւ պետությունը»,- ընդգծեց նախկին պաշտոնյան:
