Հայաստանի առաջնահերթ խնդիրն է ունենալ ներքին աուդիտի եւ վերահսկողության արդյունավետ համակարգ։ Այսպիսի կարծիք հունիսի 11-ին լրագորղների հետ զրույցում հայտնել է ֆինանսների նախարար Ատոմ Ջանջուղազյանը PEMPAL ցանցի ներքին աուդիտի փորձագիտական հանրության 47-րդ նիստի շրջանակներում։
Նրա խոսքով, այդ նպատակին հասնելու համար անհրաժեշտ են կոնկրետ քայլեր։ «Իհարկե, այդ քայլերը նախատեսված են օրենքով, սակայն մեր առաջ ծառացել է դրանք կատարելագործելու խնդիրը»,-նշել է նախարարը։ Պետական ծախսերի արդյունավետության հարցը բոլոր երկրներում քննարկումների առարկա է շարունակում լինել, քանի որ խոսքը հարկատուների միջոցների մասին է։ Մենք պետք է հստակեցնենք արդյունավետության որոշման գործիքները, ինչպիսին է ծրագրային բյուջետավորումը»,-նկատել է նախարարը։
Հիշեցնենք, որ Հայաստանը 2019 թվականից անցում է կատարում ծրագրային բյուջետավորման։
