Արամ Սարգսյանը «Ելք» դաշինքում միակն է եղել, որ կենսաթոշակային համակարգը համարել էր դրական, բայց հանուն խմբակցության միասնականության զիջել է։ Այս մասին նա հայտնեց այսօր՝ հունիսի 12-ին լրագորղղների հետ զրույցում։
«Այդ առումով ես ինձ շատ ազատ եմ զգում: «Ելք» խմբակցության անդամները կհիմնավորեն, որ խմբակցությունում ես միակ մարդն էի, ով կուտակային կենսաթոշակային համակարգը համարում էր դրական, ես դրա մեջ լավ բաներ էի տեսնում: բայց սա այն կոմպրոմիսներից էր, որ հանուն խմբակցության միասնականության եւ ընդդիմության տրամաբանությունից ելնելով՝ համաձայնեցի դեմ արտահայտվել, համաձայնեցի նաեւ իմ կուսակից ընկեր Արտակ Զեյնալյանի հետ, որն ամենապինդն էր կռվում՝ ասելով, որ համակարգը Սահմանադրության հետ կապված լուրջ խոչընդոտներ է պարունակում»,-նկատեց նա։
Պատգամավորը նշեց, որ նախկինում գումարի հսկողությունը կասկածի տակ էր, որովհետեւ իշխանությունը չէր վայելում ժողովրդի քվեն, իսկ այսօր ժողովուրդն է իշխանությունն ընտրել, եւ այս պարագայում կենսաթոշակային ֆոնդն այսօրվա իշխանությանը չվստահելն այդքան էլ ճիշտ չէ:
Արամ Սարգսյանի համոոզմամբ՝ կան գործընթացներ, որոնք սկսելուց հետո դրանցից հետ կանգնելը կարծանարար կարող է լինել: «Ցանկացած երկիր իր քաղաքացու համար բարեկեցիկ կյանք ապահովելու խնդիր ունի: Պետությունը պետք է կարողունակ լինի բանակ պահել. մենք ունենք հարեւան Թուրքիա, որը հայտ է ներկայացնում տարածաշրջանում ազդեցություն ունենալ, մենք ունենք Ադրբեջան, որը գազամուղ է կառուցում, որին կարող են միանալ Թուրքմենտանը, Ադրբեջանը: Մենք պետք է լինենք շատ կուռ թիմ: Ոչ թե պետք է լինի կառավարության թիմ, այլ կառավարությունն ու ժողովուրդը պետք է թիմ դառնան»,-նշեց նա:
Պատգամավորը շեշտեց, որ այս պարագայում ամեն ինչ յուրաքնաչյուրիցս է կախված։ «Կառավարության թիմը՝ ջահել են ահել են, փորձառու են թե անփորձ, լավն են թե վատ, մի թիմ ենք, այդ թիմին կպած՝ թերություններն ասելով, բաց թողումներն ասելով, բայց իրար հասկանալով, իրար գնահատելով առաջ գնալ մենք կարող ենք։ Այն խնդիրները, որ կանգնած են Հայաստանի առաջ, իսկ դա առաջին հերթին Ղարաբաղի հարցն է, երկրորդ երկրի ներսի կոռուպցիան, ապա ներքաղաքական կյանքում լղոզվածության խնդիրները պետք է լուծել»,-եզրափակեց նա։
