Չնայած նրան, որ ՀՀ վարչապետ Նիկոլ Փաշինյանը բազմիցս հայտարարել է, որ Հայաստանի արտաքին քաղաքականության մեջ փոփոխություններ չեն լինի՝ կառավարության ծրագրում որոշ փոփոխություններ եւ ճշտումներ կան: Այս մասին «Արեւելյան գործընկերության ապագան՝ տուրբուլենտային ժամանակներում» խորագրով գիտաժողովի ժամանակ ասաց Հայաստանում Գերմանիայի դեսպան Մաթիաս Քիսլերը:
«Ծրագրում որոշ ճշտումներ կան, եւ դա վերաբերում է նաեւ ԵՄ-ին: ԵՄ-ն, ըստ երեւույթին, միակ գործընկերն է, որի հետ կապված ծրագրում կոնկրետ նպատակներ են նշված. Հայաստան-ԵՄ համաձայնագրի իրականացում, վիզային ռեժիմի ազատականացման վերաբերյալ երկխոսության մեկնարկ»,- ասել է Քիսլերը:
Նրա խոսքով՝ դա ցույց է տալիս, որ ԵՄ-ի հետ հարաբերությունների խորացման եւ ընդլայնման կոնկրետ ակնկալիքներ կան:
