Աֆղանստանի Նանգարհար նահանգում «Թալիբան» արմատական շարժման զինյալների ու աֆղանյան անվտանգության ուժերի հանդիպման ժամանակ տեղի ունեցած պայթյունի հետեւանքով զոհվածների թիվը հասել է 36-ի։ Այս մասին ՏԱՍՍ-ը հայտնում է , վկայակոչելով Pajhwok գործակալությունը ու առողջապահության վարչության ներկայացուցչին։
Ըստ նրա տեղեկությունների՝ պայթյունի հետեւանքով կա նաեւ 65 տուժած։
Մինչ այդ Reuters գործակալությունը հայտնել էր 26 զոհերի մասին։ Միջադեպը տեղի էր ունեցել Ռոդատ շրջանում։ Tolo News հեռուստաալիքի տվյալներով՝ հավաքվածները տոնում էին ռամադան ամսվա ավարտը։ Ըստ հեռուստաալիքի տվյալների՝ զոհերի շարքերում կային թե շարժման զինյալներ, թե խաղաղ բնակիչներ։
Գործակալությունը փոխանցում է, որ պայթյունի համար պատասխանատվությունը ստանձնել է «Իսլամական պետություն» ահաբեկչական խմբավորումը։