Ամենաազդեցիկը երեխաների նամակներն էին, զինվորներին ուղղված նամակների տեղ չհասնելը: Այս մասին այսօր՝ հունիսի 18-ին Ազգային ժողովում լրագրողների հետ զրույցում ասել է ԱԺ «Ելք» խմբակցության պատգամավոր Արամ Սարգսյանը՝ անդրադառնալով Մանվել Գրիգորյանի հետ կապված ԱԱԾ-ի բացահայտումներին:
«Տղաներն անցան պատերազմով, բայց չհաղթարեցին նյութապաշտությունը: Դա նման է կարմիր կովին՝ կաթը տալիս է, իսկ վերջում թափում է: Աններելի է, բայց մեղքը պետք է նայել այն համակարգի մեջ, որը մարդկանց դարձրեց այդպիսին»,- ասել է Արամ Սարգսյանը:
Պատգամավորը շեշտել է, որ պատերազմի տարիներին Մանվել Գրիգոյանը ոչինչ չուներ, եւ ամեն ինչ սկսվեց հոկտեմբերի 27-ից հետո: «Նա Երեւան եկավ հոկտեմբերի 27-ից հետո: Նրան բերեց Քոչարյանը եւ տվեց գեներալ-լեյտենանտի կոչում: Գեներալ Մանվել Գրիգորյանի երկրապահը Քոչարյանի ու Սերժ Սարգսյանի երկրապահն էր»:
Մանվել Գրիգորյանին պատկանող հանգստյան գոտում ԱԱԾ խուզարկության մանրամասները տեսանյութով