Բելգիական Անտվերպենի նավահանգստի մաքսային ծառայության աշխատակիցները Իրանից ժամանած նավը ստուգելիս առգրավել են ավելի քան 954 կգ հերոին, հայտնել է քաղաքային դատախազության ներկայացուցիչ Կեն Վիտպասը:
«Սոդայով կոնտեյների համակարգչային տոմոգրաֆիա անցկացնելու արդյունքում 57 պարկ է հայտնաբերվել, որոնցից յուրաքանչյուրը պարունակում էր 15 կգ հերոին, իսկ ընդհանուր հայտնաբերվել է 954,4 կգ հերոին»,- ասել է նա լրագրողներին:
Նրա խոսքով՝ սա հերոինի ամենամեծ ծավալներից մեկն է, որ առգրավվել է Անտվերպենի նավահանգստում: Առգրավված խմբաքանակի արժեքը գնահատվում է մոտ 55 մլն եվրո:
Անցկացվող քննության շրջանակում ձերբակալվել են 2 կասկածյալներ, հայտնել է դատախազության ներկայացուցիչը:
Բելգիական Անտվերպենի նավահանգիստն անվանում են Եվոպայի կոկաինային «դարպասներ»: Եվրոպա կոլումբիական կարտելների կոկաինի մատակարարումների ծավալով Անտվերպենը 2016 թվականին անցել է նիդերլանդական Ռոտերդամի եւ գերմանական Համբուրգի ծովային տերմինալներից: