Թուրքիայի իշխող «Արդարություն եւ զարգացում» կուսակցությունից պատգամավորի թեկնածու առաջադրված Մարգար Եսայանը Twitter–ի իր էջում նոր լուսանկար է տեղադրել ու գրառում կատարել։
Մարգար Եսայանը գրել է. «Նախընտրական գործընթացների շրջանակներում այցելեցինք Թուրքիայի հրեաների հոգեւոր առաջնորդ րաբունի Իսաք Հալեւային»։
Նշենք, որ Մարգար Եսայանը ակտիվ հանդիպումներ է անցկացնում է Թուրքիայի ազգային փոքրամասնությունների հետ՝ փորձելով նրանց համոզել ընտրելու Էրդողանին եւ «Արդարություն եւ զարգացում» կուսակցությանը։
Թուրքիայում նախագահական եւ խորհրդարանական ընտրությունները տեղի են ունենալու հունիսի 24–ին։
