Ղազախստանի գյուղատնտեսության նախարարությունը Ռուսաստանում գրանցված թռչնագրիպի պատճառով արգելել է 36 ռուսական թռչնաբուծական ֆաբրիկայի արտադրանքի ներմուծումը, հաղորդում է նախարարության մամուլի ծառայությունը: Ինչպես հաղորդվում է նախարարության կայքէջում, ՌԴ Կուրսկի, Պենզայի եւ Սամարայի շրջաններում բարձր պաթոգենային թռչնի գրիպ է հայտնաբերվել:
«Այս կապակցությամբ անասնաբուժական եւ սանիտարական հսկողության եւ վերահսկողության ենթակա սննդամթերքի անվտանգության ոլորտում պետական քաղաքականության իրականացման շրջանակներում Ղազախստանի Հանրապետության գյուղատնտեսության նախարարությունը 2018 թվականի հունիսի 21-ից արգելել է կենդանի թռչունների եւ ինկուբացիոն ձվերը, փետուրների, թռչնի մսի եւ բոլոր տեսակի թռչնաբուծական արտադրանքների ներմուծումը Ղազախստանի Հանրապետության տարածք»,- նշվում է հաղորդագրության մեջ:
Բացի այդ, վերոնշյալ շրջաններից Ղազախստանի տարածք արգելվում է նաեւ ջերմային մշակում չանցած թռչունների կերերի, կերային հավելումների, տաքսիդերմիկ մշակում չանցած որսորդական հախթանշանների, ինչպես նաեւ թռչունների պահման, սպանդի եւ կտրատման համար օգտագործված սարքավորումների ներմուծումը:
