Seat ընկերությունը ներկայացրել է Leon Cupra հեչբեքի նոր «լիցքավորված» տարբերակը, որի շարժիչը 10 ձիաուժով ավելի թույլ է, փոխանցում է Autonews.ru-ն:
Փոխանցման նվազումը կապված է WLTP վնասակար արտանետումների չափման ընթացակարգերի նոր ցիկլին անցնելու հետ, որը Եվոպայում ուժի մեջ կմտնի 2018 թվականի սեպտեմբերից եւ կփոխարինի NEDC ցիկլին:
Երկլիտրանոց տուրբինային «քառյակի» արտադրողականությունը նվազեցրել են 300-ից մինչեւ 290 ձիաուժ: Համապատասխանաբար փոխվել է նաեւ հեչբեքի անվանումը՝ Leon Cupra 300-ից Leon Cupra 290:
Առայժմ չի հաղորդվում՝ արդյոք հզորության կորուստն անդրադարձել է հեչբեքի դինամիկայի վրա: 300 ուժ ունեցող շարժիչով ավտոմեքենան կարողանում էր մինչեւ 100 կմ/ժ արագությունը զարգացնել 4,9 վայրկյանում, իսկ նրա առավելագույն արագությունը էլեկտրոնիկայի միջոցով ստիպողաբար սահմանափակվել է ժամում 250 կմ նիշով: