Հայաստանը ՆԱՏՕ–ի գագաթնաժողովներին որպես այդպիսին չի մասնակցում։ Այս մասին հուլիսի 2-ին կայացած ճեպազրույցում հայտարարել է ՀՀ արտաքին գործերի նախարարության մամուլի խոսնակ Տիգրան Բալայանը՝ պատասխանելով ՆԱՏՕ առաջիկա գագաթնաժողովին ՀՀ մասնակցության հարցին։
Միաժամանակ, նա նշել է, որ Դաշինքի գագաթնաժողովներին զուգահեռ անցկացվում է Աֆղանստանում «Վճռական աջակցություն» առաքելության մասնակից երկրների ղեկավարների հանդիպում, եւ խոսքը դրա մասին է։
«Հայաստանը հրավիրված է հանդիպմանը։ Հայաստանը ՆԱՏՕ–ի հիմնադիր անդամ երկրներից շատ ավելի մեծ ներկայություն ունի Աֆղանստանում։ Վարչապետի կամ Հայաստանի մասնակցության կամ չմասնակցության մասին հավելյալ կտեղեկացվի»,–եզրափակել է Բալայանը։
