Եվրամիությունը կարող է ԱՄՆ-ից ավտոմեքենաների եւ ավտոպահեստամասերի համար պատասխան պատժամիջոցներ կիրառել, եթե Վաշինգտոնը համապատասխան որոշում կայացնի եվրոպական արտադրողների ավտոմեքենաների ներմուծման համար, գրում է գերմանական Handelsblatt թերթը՝ վկայակոչելով Եվրահանձնաժողովի եզրակացությունը:
«Սա իրատեսական սցենար է, որպեսզի այն պետությունները, որոնց կանդրադառնան ԱՄՆ-ի պատժամիջոցները, ի պատասխան բարձրացնեն մաքսատուրքերն ամերիկյան ապրանքների ներմուծման համար»,- հայտնել է թերթի աղբյուրը:
ԱՄՆ-ի նկատմամբ պատժամիջոցային մաքսատուրքերը կարող են տարեկան 214 մրդ դոլար կազմել: Եվրահանձնաժողովի եզրակացության մեջ նշվում է, որ ԱՄՆ-ի մաքսատուրքերը խախտում են միջազգային իրավունքը եւ վնասում են Միացյալ Նահանգների հեղինակությանը, եւ միջազգային հանրությունը մտադիր չէ համաձայնել դրա հետ: Այնտեղ նաեւ նշվում է, որ պատասխան պատժամիջոցները կվնասեն ԱՄՆ-ին ավելի շատ, քան դրանք կշահեն ներմուծման սակագների բարձրացումից: Սակայն, ըստ պարբերականի, Եվրահանձնաժողովի ղեկավար Ժան Կլոդ Յունկերը հուլիսի վերջին Վաշինգտոն նախատեսված այցի ժամանակ կփորձի համոզել Դոնալդ Թրամփին մաքսատուրքեր չկիրառել:
