Գերմանիայում եւ Բելգիայում ձերբակալել են իրանցի դիվանագետի եւ եւս երկու իրանցիների, որոնք կասկածվում են «Իրանի դիմակայության ազգային խորհրդի» դեմ ահաբեկչական հարձակում նախապատրաստելու համար, հաղորդում է AP-ն:
Բելգիայում ձերբակալվածների մոտ հայտնաբերվել է ինքնաշեն պայթուցիկ սարք, դետոնատոր եւ 500 գրամ տրոտիլ: 38-ամյա տղամարդը եւ 33-ամյա կինը՝ Ամիր Ս.-ն եւ Նասիմեխ Ն.-ն, մեղադրվում են սպանության եւ ահաբեկչական հարձակման փորձի համար:
Բելգիայի գործի հետ կապված Ֆրանսիայում եւ Գերմանիյում եւս երկու անձ է կալանավորվել: Մասնավորապես Գերմանիայում կալանավորվել է Վիեննայում Իրանի դեսպանատան դիվանագետը: Նրան կասկածում են Բելգիայում ձերբակալված իրանցի զույգի հետ շփումներում: Ֆրանսիայում ձերբակալվածի մասին դեռ ոչինչ հայտնի չէ:
