Կարիբյան ծովում Բարբադոս կղզու իշխանություններն անմիջապես երկու տուրիստական հարկ են սահմանում՝ բյուջեի դեֆիցիտը ծածկելու եւ ենթակառուցվածքի զարգացման համար: Այս մասին հաղորդում է «ՌԻԱ Նովոստի»-ն՝ վկայակոչելով Telegraph-ը:
Այժմ յուրաքանչյուր զբոսաշրջիկ պետք է 2.5-ից մինչեւ 10 դոլար վճարի՝ հյուրանոցում գիշերելու համար՝ կախված կացարանի մակարդակից: Միեւնույն ժամանակ, կղզու իշխանությունները նոր հարկի մասին հյուրանոցներին նախազգուշացրել են դրա՝ շաբաթ օրը սահմանումից ընդամենը մեկ շաբաթ առաջ:
Երկրորդ հարկը ուժի մեջ կմտնի հոկտեմբերի 1-ից. մոտ 70 դոլար՝ երկրից մեկնելիս՝ «օդային ճանապարհորդությունների եւ տուրիզմի զարգացման համար»:
Ըստ պարբերականի՝ զբոսաշրջության ոլորտը կազմում է Բարբադոսի ՀՆԱ-ի շուրջ 40 տոկոսը, եւ այս ցուցանիշի չափով երկիրն աշխարհում 14-րդ տեղում է:
