Volkswagen ընկերությունը հրապարակել է T-Cross քրոսովերի առաջին պաշտոնական դիզայնի ուրվագիծը: Ավտոմեքենայի շնորհանդեսը տեղի կունենա 2018-ի աշնանը, հայտնում է Autonews-ը:
Ամենայն հավանականությամբ քրոսովերում օգտագործում են 2016 թվականի Փարիզի ավտոսրահում ներկայացրած նույնանուն կոնցեպտուալ մեքենայի մի շարք ոճական լուծումներ: Ավտոմեքենայի երկարությունը կլինի 4 107 մմ: Այսպիսով, նորույթը T-Roc մոդելից մեկ աստիճան ներքեւ տեղ կզբաղեցնի:
Volkswagen T-Cross-ի հիմքում կլինի MQB A0-ի մոդուլային ճարտարապետությունը, որի վրա կառուցված է քրոսովեր Seat Arona-ն: Շարժիչների շարքը ներառում է երեք մխոցանի փչովի շարժիչներ`մեկ լիտրի աշխատանքային ծավալով, 95 եւ 110 ձիաուժ հզորությամբ:
