ՄԱԿ-ի Մարդու իրավունքների խորհուրդը հինգշաբթի ընդունել է համացանցում խոսքի ազատությանն աջակցող բանաձեւ, փաստաթուղթն ընդունվել է առանց քվեարկության, հաղորդում է «ՌԻԱ Նովոստին»:
Բանաձեւը ներկայացվել է Բրազիլիայի, Նիգերիայի, Շվեդիայի եւ Թունիսի հետ համատեղ: Բանաձեւում, մասնավորապես, նշվում է, որ «տեղեկատվական եւ հաղորդակցային տեխնոլոգիաների եւ գլոբալ կապի զարգացումը հսկայական ներուժ ունի գործընթացի արագացման համար»:
Միեւնույն ժամանակ, նշվում է համացանցում խոսքի ազատության ապահովման դեպքում վստահության ստեղծման կարեւորությունը, մասնավոր կյանքի անվտանգությունը եւ մարդու այլ իրավունքներն այնպես, որպեսզի իրացվի համաշխարհային ցանցի ողջ ներուժը:
Ընդունված փաստաթղթում ընդգծում է, որ այն բոլոր իրավունքները, որը մարդն ունի ցանցից դուրս, առցանց միջավայրում նույնպես պետք է պաշտպանվեն, մասնավորապես, արտահայտվելու ազատությունը: