Իրանի իշխանությունները մահապատժի են ենթարկել ԻՊ ութ զինյալների, որոնք մասնակցել են 2017-ին Թեհրանում տեղի ունեցած ահաբեկչություններին, հայտնում է Tasnim-ը։
«Իրանը մահապատժի է ենթարկել ԻՊ ութ զինյալների, որոնք մասնակցություն են ունեցել 2017-ին Թեհրանում տեղի ունեցած հարձակումներին»,- գրել է գործակալությունը։
Կանացի հագուստով չորս տղամարդ 2017-ի հունիսի 7-ին կրակ էր բացել իրանական խորհրդարանի շենքում, հետագայում հարձակվողներից մեկը ինքն իրեն պայթեցրել էր։
Հարձակվել էին նաեւ իմամ Հոմեյնիի դամբարանի վրա։ Հարձակվողներից մեկը՝ մի կին, մահապարտի գոտով պայթեցրել էր ինքն իրեն։ Ահաբեկչությունների հետեւանքով զոհվել էր մոտ 20 մարդ, վիրավորվել՝ տասնյակ մարդիկ։
Իրանի հեղափոխական դատարանը մայիսի 13-ին մահապատժի է դատապարտել ԻՊ ութ զինյալների, որոնք մասնակցություն էին ունեցել այդ հարձակումներին։ Իրանի գերագույն դատարանը հունիսի 11-ին հաստատել է մահապատիժը։