Քուվեյթում ավելի քան 250 մարդ հայտնվել է հիվանդանոցում ռեստորաններից մեկում թունավորվելու հետեւանքով։ Ռեստորանում մատուցում էին արաբական «Ֆալաֆել» ճաշատեսակը։ Այս մասին հաղորդել է Էմիաթի առողջապահության նախարարության ներկայացուցիչը, փոխանցում է «ՌԻԱ Նովոստի»-ն։
«Հոլա նահանգի ռեստորաններից մեկում վատ պատրաստված ֆալաֆելից թունավորվման հետեւանքով հիվանդանոցում հայտնվածների թիվը շաբաթ օրվանից առ այսօր կազմել է 287 մարդ։ Նրանց 80 տոկոսը բուժումից հետո լքել են հիվանդանոցը, այնտեղ մնում են 53 թունավորվածներ»,-նշել է նա։
Հանրային սննդի հիմնարկների վերահսկման գլխավոր վարչությունը հետաքննություն է սկսել միջադեպի պատճառները պարզելու համար։ Ռեստորանը փակվել է։
