Կիրակի գիշերը առնվազն 15 մարդ է զոհվել Մեքսիկայի Նուեւո-Լեոն նահանգի Մոնտերեյ քաղաքի բարերի վրա հարձակումների ալիքի հետեւանքով, փոխանցում է «ՌԻԱ Նովոստի»-ն:
Ինչպես հայտնում է տեղական դատախազությունը, ընդհանուր գրանցվել է 6 հարձակում տարբեր բարերի վրա: Ամենաշատ՝ 9 մարդ է զոհվել Rancho Viejo բարի հաճախորդների գնդակահարության հետեւանքով: Մնացալ վայրերում սպանվել է մեկ-երկուական մարդ, շատերը վիրավորվել են:
Բոլոր հարձակումները կատարվել են գրեթե միաժամանակ: Cronica պորտալը նշում է, որ բոլոր բարերը վերահսկել են, այսպես կոչված, «Հյուսիս-արեւելք» կարտելի ներկայացուցիչները, իսկ նրանց վրա հարձակվել են հակամարտող «Ծոց» կարտելի անդամները: Բանդաները վիճարկում են տարածքների վերահսկողությունը ԱՄՆ ուղարկվող թմրանյութերի մշակման համար:
Միեւնույն ժամանակ, Տամաուլիպաս նահանգում գնդակահարվել է տեղական բանտի տնօրենը: Ումբերտո Վեգան ղեկավարում էր Նուեւո Լարեդոյի պատիժների իրականացման կենտրոնը, նրա մեքենայի վրա կրակել են այդ քաղաքի փողոցում, հայտնում է նահանգի դատախազությունը: