ԱՄՆ նախագահ Դոնալդ Թրամփը Բրյուսելում ՆԱՏՕ-ի գագաթնաժողովի շրջանակներում բանակցություններ է վարել Գերմանիայի կանցլեր Անգելա Մերկելի հետ՝ մի քանի ժամ անց այն բանից հետո, երբ կտրուկ քննադություն է հնչեցրել Բեռլինի հասցեին պաշտպանական ծախսերի եւ Ռուսաստանից գազի ներկրման կապակցությամբ:
«Մենք հիանալի հանդիպում ենք ունեցել: Մենք քննարկում էին ռազմական ծախսերը... խոսում առեւտրի մասին»,- ասել է Թրամփը: «Մենք շատ լավ հարաբերություններ ունենք Կանցլերի հետ: Մենք հիանալի հարաբերություններ ունենք Գերմանիայի հետ»,- ասել է նա` հավելելով, որ մտահոգություն է հայտնել «Հյուսիսային հոսք 2»-ի կառուցման կապակցությամբ:
Մերկելը նշել է, որ հանդիպման ընթացքում քննարկել է միգրացիան եւ առեւտուրը, և հույս է հայտնել, որ հետագայում մտքերի փոխանակում տեղի կունենա: