Բեռլինը Մոսկվայի կամ Վաշինգթոնի գերին չէ։ Այս մասին հայտարարել է Գերմանիայի արտգործնախարար Հեյկո Մաասը՝ մեկնաբանեով ԱՄՆ նախագահ Դոնալդ Թրամփի հայտարարությունը, փոխանցում է Reuters-ը։
«Մենք ազատ աշխարհի երաշխավորներից մեկն ենք եւ մնում ենք այդպիսին»,-ասել է նա։ Մաասը հաղորդել է, որ Բեռլինը նախատեսում է մինչեւ 2024 թվականը պաշտպանության ծախսերը ավելացնել 80 տոկոսով։
Ավելի վաղ Թրամփը հայտարարել էր, որ Գերմանիան հայտնվել է Ռուսաստանի «ամբողջական հսկողության» ներքո՝ «նրա գերին դառնալով» կապված «Հյուսիսային հոսք-2» խողովակաշարի կառուցման նախագծի հետ:
