Գարեգին Բ Ամենայն Հայոց Կաթողիկոսի օրհնությամբ այսօր՝ հուլիսի 16-ին, Մայր Աթոռ Սուրբ Էջմիածնի Հրատարակչական բաժինը լույս է ընծայել Հույն Ուղղափառ Եկեղեցու միտրոպոլիտ Երեմիա Ֆունդասի «Հին Կտակարան. բովանդակությունը եւ աստվածաբանությունը» երկի հայերեն թարգմանությունը: Աշխատությունը հունարենից հայերեն է թարգմանել Գեւորգյան հոգեւոր ճեմարանի դասախոս Արժանապատիվ Տ. Գաբրիել քահանա Վարդանյանը:
Գիրքը Հին Կտակարանի ամբողջական եւ համակողմանի մի ուսումնասիրություն է, որտեղ ի նկատի են առնված Հին Կտակարանին վերաբերող նորագույն ուսումնասիրությունների արդյունքները: Հեղինակը նաեւ չի անտեսել Աստվածաշնչագիտության մի շարք ուղղությունների, օրինակ՝ սկզբնաղբյուրների, խմբագրությունների եւ օժանդակ գիտությունների քննության եղանակները, հատկապես սուրբգրային հնագիտության եզրահանգումները եւ այլն:
Գիրքը հրատարակվել է մեկենասությամբ «Լեւոն սարկավագ եւ Արաքսի Զենյան» հիմնադրամի:
