Արմավիր մարզում հուլիսի 15-ին, արտակարգ դեպք է տեղի ունեցել Արմավիրի մարզում. ժամը 22։30-ի սահմաններում «Սուրբ Աստվածամայր» բժշկական կենտրոնից ոստիկանության Վաղարշապատի բաժին հայտնել են, որ «աջ ոտքում օտար մարմին» ախտորոշմամբ իրենց մոտ է տեղափոխվել մի երեխա։
Shamshyan.com-ի փոխանցմամբ, ոստիկանները պարզել են, որ վիրավորը Արմավիրի մարզի գյուղերից մեկի բնակիչ՝ 13-ամյա Միլենա Խ.ն է։ Աղբյուրի տեղեկություններով՝ վերջինիս հայրը՝ 43-ամյա Ռուբեն Խ.-ն, ոստիկաններին հայտնել է, որ նույն օրը, երեկոյան իրենց տան բակում իր ազգական՝ համագյուղացի, 15-ամյա Անդրանիկ Ս.-ն բակում սեղանի վրա դրված օդամղիչ հրացանից անզգուշաբար կրակել է իր աղջկա աջ ոտքին, ինչի պատճառով էլ երեխան մարմնական վնասվաք է ստացել։
Փաստի առթիվ ոստիկանության Վաղարշապատի բաժնի հետաքննչական բաժանմունքում նյութեր են նախապատրաստվում։ Աղբյուրի տեղեկություններով՝ վիրավորը սովորում է Երեւանի հիմնական դպրոցներից մեկի 8-րդ դասարանում, իսկ Անդրանիկ Ս.-ն՝ Արմավիրի մարզի դպրոցներից մեկի 9-րդ դասարանում։
