News
Լրահոս
News
Չորեքշաբթի
Մայիս 22
Տեսնել լրահոսը


Չի բացառվում Հայաստանի Հանրապետության եւ Ռուսաստանի Դաշնության միջեւ ՀՀ տարածքում գտնվող ռուսական ռազմակայանի կարգավիճակի մասին պայմանագրի որոշ դրույթների վերանայումը:  Այս մասին հայտնում է «Ցայգ» հեռուստաընկերությունը` մանրամասներ հայտնելով Փանիկում լրագրողների հետ ՀՀ պաշտպանության նախարար Դավիթ Տոնոյանի զրույցից:

«Դրանք քարի վրա գրված փաստաթղթեր չեն, եւ ժամանակի ընթացքում առաջանում են բավական խնդիրներ, որոնք պահանջում են պայմանագրային իրավական փոփոխություններ: Իհարկե, դա արվելու է»,- նշել է նախարարը՝ հավելելով, որ օրերս Փանիկում տեղի ունեցած միջադեպը կարող է խթան հանդիսանալ որոշ փոփոխությունների կատարմանը:

Պաշտպանության նախարարն ասել է, որ հուլիսի 17-ին Փանիկում տեղի ունեցածում կար ե՛ւ ռուսական կողմի, ե՛ւ հայկական կողմի սխալը:

«Համակարգում ամենօրյա այնքան մեծ քանակությամբ միջոցառումներ են իրականացվում, որոնց վրա, որպես առօրյա աշխատանք, ուշադրություն չենք դարձնում: Բայց ես ձեզ պաշտոնապես հայտնում եմ, որ ռուսական կողմը 1 օր առաջ տեղեկացրել է շարասյունի տեղաշարժման վերաբերյալ եւ տեղեկացրել է, որ լինելու է մարզում, մարզման վայրը չի նշել: Իրավական տեսանկյունից պետք է համաձայնեցվեր, բայց իրենք իրենց սխալն ընդունել են, ներողությունը պաշտոնապես խնդրել են, մենք մեր հետեւություններն արել ենք: Ծառայողական քննություն է իրականացվում մեր գերատեսչությունում՝ պարզելու, բացահայտելու մեղավորներին: Ինչ վերաբերում է ռուսական կողմին, իհակե, իրենց մոտ լինելու է ծառայողական քննություն, որի արդյունքների վերաբերյալ չեմ կարծում, որ մենք կտեղեկացվենք, բայց պատժվելու են»,- ասել է նախարարը:

Հիշեցնենք, որ հուլիսի 17-ին Փանիկ գյուղի բնակիչները կրակոցների եւ պայթյունների ձայն էին լսել: Որոշ ժամանակ անց պարզվել էր, որ կրակոցների հեղինակները Գյումրիի 102-րդ ռուսական ռազմաբազայի զինծառայողներ են: 102-րդ ռուսական ռազմաբազայի հրամանատար, ռուս գնդապետ Վլադիմիր Էլկանովը ՀՀ պաշտպանության նախարար Դավիթ Տոնոյանին ներկայացրել է միջադեպի մանրամասները: Նրա խոսքով՝ հայկական կողմի հետ համաձայնեցված միջոցառումն ընդգրկվել էր 2018 թվականի բազայի ռազմական պատրաստվածության ծրագրում: Նշվել է նաեւ, որ հրամանատարությունը սահմանված կարգով տեղեկացրել է լիազորված մարմիններին: Սակայն, հաշվի առնելով, որ զորավարժությունների անցկացման վայրի ընտրության ժամանակ հաշվի չեն առնվել այն հանգամանքները, որոնք անհանգստություն են պատճառել տեղի բնակչությանը, ռուսական կողմը պաշտոնական ներողություն է հայտնել եւ հավաստիացրել է, որ այսուհետ ավելի հետեւողական կլինի բազայից դուրս անցկացվող միջոցառումների պլանավորման եւ իրազեկման հարցերում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մոսկվա է մեկնել ՀՀ ԶՈՒ գլխավոր շտաբի աշխատանքային խումբը
Հայաստանի եւ Ռուսաստանի պաշտպանության նախարարությունների երկկողմ համագործակցության 2019թ. պլանի համաձայն...
Հայաստանը կասկածի տակ չի դնում Գյումրու ռուսական ռազմաբազայի գոյությունը. Զոհրաբ Մնացականյան
Փոխհարաբերություններում կարող են տարբեր հարցեր լինել...
Փաշինյանը մտադիր է Պուտինի հետ հանդիպել Պետերբուրգում
Փաշինյանն ասել է, որ մտադիր է Պուտինի հետ հանդիպել Պետերբուրգում...
Հայաստանը հույս ունի գազի գնի նվազեցման հարցում «Գազպրոմի» հետ համաձայնության հասնել մինչեւ տարեվերջ. Փաշինյան
Գազի եւ էներգակիրների ոչ խտրական գներն անչափ կարեւոր են ԵՏՄ-ի արդյունավետության համար…
Պահպանվում է Հայաստանի հետ ռազմաքաղաքական հարաբերությունների բարձր մակարդակը. սենատոր
Հայաստանի հետ ռազմաքաղաքական հարաբերությունների բարձր մակարդակը պահպանվում է...
Հայաստանի անվտանգության բաղադրիչի էական մաս է ՌԴ հետ համագործակցությունը. պատգամավոր
Նրա հավաստմամբ՝ ՌԴ հետ հարաբերություններում ոչ մի խնդիր չկա, այդ թվում անվտանգության ոլորտում...