Երեւանի ավագանու ընտրությունները ԱԺ արտահերթ ընտրություններից առաջ «գլխավոր փորձ» կլինեն: Այսպիսի տեսակետ է հայտնել ազատամարտիկ Գագիկ Սարուխանյանը հուլիսի 23-ին՝ լրագրողների հետ զրույցում։
Միաժամանակ, նրա խոսքով, այսօր ոչ մի բան կանխատեսել հնարավոր չէ. «Հստակ է միայն, որ Զարուհի Փոստանջյանի նկատմամբ բավական դրական տրամադրվածություն է ձեւավորվել: Միաժամանակ, ավագանու ընտրություններն արհեստականորեն հետաձգվում են: Կուլուարներում արդեն իսկ պայմանավորվածություններ կան»,–պարզաբանել է Սարուխանյանը։
Դրա հետ մեկտեղ նա դժգոհություն հայտնեց, որ «Քաղաքացիական պայամանագիրը» ամեն տեղ միանձնյա է գնում, գերադասում է անփորձ երիտասարդներին, քան փորձված համախոհներին։