Հետազոտողները հայտնաբերել են, որ Volkswagen, Chrysler, Ford, Toyota, General Motors, Tesla եւ ThyssenKrupp ընկերությունների առեւտրային գաղտնիքների վերաբերյալ մեծ քանակությամբ տվյալները դարձել են հանրամատչելի, հաղորդում է UpGuard-ը:
Ընկերության զեկույցում նշվում է, որ ամբողջ տեղեկատվությունը պահպանվել է Level One Robotics ընկերության հանրամատչելի սերվերում: Մասնագետները սերվերում հայտնաբերել են մոտ 100 ընկերությունների կարեւոր փաստաթղթեր:
Հետազոտության մեջ նշվում է, որ նման տեղեկատվության ընդհանուր ծավալը գերեզանցել է 157 գիգաբայթը: Բացի այդ մասնագետներին հաջողվել է գտնել ընկերության մի քանի գլխավոր մենեջերների անձագրերի եւ վարորդական վկայականների սկանավորված կրկնօրինակները:
Տվյալները հասանելի են դարձել rsync ֆայլերի փոխանցման ընդհանուր կարգի օգտագործման պատճառով: UpGuard-ի փորձագետները Level One Robotics-ին տեղեկացրել են արտահոսքի մասին:
