ԱՄՆ Կոնգրեսը սառեցրել է Թուրքիային F-35 կործանիչների մատակարարումները՝ Անկարայի կողմից ռուսական զենիթահրթիռային Ս-400 համալիրների գնումների պատճառով, հայտնում է The Washington Times-ը:
Պարբերականի տեղեկություններով՝ որոշումը ստացել է ԱՄՆ Կոնգրեսի երկու պալատների հավանությունը:
Նշվում է, որ համապատասխան ուղղումները կատարվել են Միացյալ Նահանգների 2019 թվականի պաշտպանական բյուջեի վերջին տարբերակում:
Ըստ որում՝ Թուրքիային F-35-ի մատակարարումների չեղարկման վերաբերյալ վերջնական որոշումը կընդունվի ԱՄՆ պաշտպանության նախարարության հաշվետվությունից հետո: