Ճանապարհորդությունների մասին կայքը վերլուծել է տուրիզմում թրենդները եւ հայտնել, թե առաջիկա յոթ տարիներին աշխարհի որ խոշոր քաղաքները կգրավեն զբոսաշրջիկներին, հայտնում է Lonely Planet-ը:
Ըստ կանխատեսումների՝ ամենամեծ հոսքը կլինի Ինդոնեզիայի մայրաքաղաք Ջակարտա, որտեղ 2017-ին ժամանել էր մոտ 3,6 մլն զբոսաշրջիկ, իսկ 2025 թվականին սպասվում է երկու անգամ ավելի: Մասնագետների կարծիքով՝ կմեծանա նաեւ ինդոնեզական կղզիների գրավչությունը, առաջին հերթին՝ Բալի կղզու (վարկանիշի երկրորդ հորիզոնականում է):
Ընդհանուր առմամբ, 25 առավել արագ աճող տուրիստական ուղղություններից 24-ը գտնվում են Ասիայում, մեծ մասամբ՝ Հնդկաստանում: Ըստ կանխատեսումների՝ 2025 թվականին ճանապարհորդները զանգվածաբար կուղղվեն Ջայփուր (3-րդ տեղում է), Չենաի, Ագրա եւ Դելի (համապատասխանաբար՝ 6-րդ, 7-րդ եւ 10-րդ տեղերում են):
Ասիայի սահմաններից դուրս միակ վայրը, որտեղ տուրհոսքերի աճ է սպասվում, Կահիրեն է, որը վարկանիշում զբաղեցնում է 4-րդ տեղը, իսկ հնգյակը փակում է Հոշիմինը (Վիետնամ): Տասնյակի մեջ են մտել Փհուքեթը (Թաիլանդ) եւ Սիեմ-Ռիփը (Կամբոջա):