Շատ կարեւոր է հասկանալ, թե զբոսաշրջիկը Հայաստանում ինչ է գնում՝ իր երկիր տանելու համար: Այս մասին այսօր՝ հուլիսի 26-ին Սանկտ Պետերբուրգում հայ գործարարների հետ հանդիպմանն ասաց վարչապետ Նիկոլ Փաշինյանը:
«Վերջերս մի քննարկման ժամանակ մի այսպիսի հարց հնչեց. ոչ միայն կարեւոր է, թե տուրիստն ինչ հյուրանոցում է ապրում, ինչ է ուտում, ինչ ինքնաթիռով է գալիս, ինչ արժե տոմսը, շատ կարեւոր է նաեւ հասկանալ, թե զբոսաշրջիկն ի՞նչ է առնելու՝ իր երկիր տանելու համար: Տարբեր երկրներ այս առումով ունեն իրենց հստակ քաղաքականությունը: Մենք պետք է մտածենք նախկինում ունեցած ավանդույթները զարգացնելու մասին, խոսքս հայկական արտադրության կոշիկի, հագուստի, տեքստիլի մասին է»,- ասաց նա:
Վարչապետ Փաշինյանը նշեց, որ տուրիզմի զարգացման համար առանձնակի կարեւոր նշանակություն ունի Հայաստանի բնապահպանական վիճակը. «Էկոլոգիապես մաքուր սնունդն ու միջավայրը շատ կարեւոր են լուրջ տուրիստական ուղղություն դառնալու համար»:
