Առաջին երկիրը, որտեղ կսկսվի նորացված Porsche Macan քրոսովերի վաճառքը, Չինաստանը կդառնա: Սկզբում մեքենան կառաջարկվի 252 ձիաուժ հզորությամբ 2.0 լիտր բենզինային շարժիչով: Եվրոպայի համար այս շարժիչի հզորությունը կկրճատվի մինչեւ 245 ձիաուժ, հայտնում է Autonews.ru-ն:
Հետագայում հաճախորդներին կառաջարկվի 354 ձիաուժով վեց մխոցանի շարժիչով Macan-ի մոդիֆիկացիան: Այս տարբերակը կկոչվի Macan S: Բացի այդ, վաճառքի համար հասանելի կդառնա ավտոմեքենայի սպորտային տարբերակը՝ 2.9 լիտր, բենզինային տուրբո V6 շարժիչով: Շարժիչի հզորութունը 440 ձիաուժ կլինի: Նորույթի համար դիզելային շարժիչներ չեն նախատեսվում:
Ինչ վերաբերում է դիզայնին, ապա վերափոխումից հետո այն շրջադարձի ավելի նեղ ցուցանակներ է ստացել, ինչպես նաեւ ձեւափոխված լուսարձակներ եւ նոր դիզայնով անիվային սկավառակներ: Բացի այդ, հաճախորդներին առաջարկվում է թափքի նոր երանգ, որը կոչվում է Miami Blue, ինչպես նաեւ 20 եւ 21 դյույմանոց անիվային սկավառակներ: