Թավշյա հեղափոխությունը ֆինանսավորման կեսը եկել է Ռուսաստանի հայերից։ Այս մասին հուլիսի 26-ին՝ Սանկտ Պետերբուրգում հայ գործարարների հետ հանդիպմանը ասաց ՀՀ վարչապետ Նիկոլ Փաշինյանը։

«Մեր հեղափոխությունը ֆինանսական մեծ միջոցներ չի էլ ծախսել։  Ես տոկոս չեմ հանել, սակայն վստահ եմ՝ ֆինանսավորման կեսը եկել է Ռուսաստանի հայերից»,–նշեց նա։

Վարչապետը հավելեց առաջին գումարներից մեկը ստացվել է Սախալինինց. «Մեզ քայլարշավի ընթացքում զանգել են Սախալինից եւ գումար են փոխանցել։ Դա առաջին փողն էր, մենք դեռ Լոռու մարզ չէինք մտել։ Մեր հեղափոխության ամենամեծ ֆինանսավորումը եղել է ՌԴ–ից։ Հեղափոխությունը 90 տոկոսը ֆինանսավորել է սփյուռքը, իսկ 50 տոկոսը, եթե ոչ ավելին ֆինանսավորվել է Ռուսաստանի հայությունը»։

Փաշինյանը խոստացավ վերլուծել եւ մշակել ֆինանսավորման աշխարհագրությունը։