Lamborghini Aventador սուպերքարի գերհզոր մոդիֆիկացիան՝ SVJ անվանումով, Նյուրբուրգրինգի նոր ռեկորդ է սահմանել սերիական ավտոմեքենաների շրջանում, հայտնում է Autonews.ru-ը։
Նորույթը, որը դեռ պաշտոնապես ներկայացված չի եղել, կարողացել է անցնել հայտնի մայրուղու շրջանը 6 րոպե 44․97 վայրկյանում։ Իտալական սպորտքարի ղեկին օդաչու Մարկո Մապելին էր։ Մինչ այդ ամենաարագընթաց մեքենայի տիտղոսը պատկանում էր Porsche 911 GT2 RS-ին, որն անցել էր այդ շրջանը 6 րոպե 47․3 վայրկյանում։
Motor1-ի տվյալներով՝ մեքենան կոմպլեկտավորված է V12 բենզինային 6․5 լիտրանոց շարժիչով, որի հզորությունը կազմում է 760 ձիաուժ։ Նաև մեքենան կունենա Aerodinamica Lamborghini Attiva (ALA) կոչվող հատուկ համալիր։ Այդ համակարգը առաջին անգամ կիրառվել է Huracan Performante-ում ։