Ադրբեջանը հաստատել է իր հետաքրքրվածությունը 10 ուկրաինական Ան-178 ինքնաթիռ ձեռք բերելու հարցում։ Այս մասին հայտարարել է «Անտոնով» պետական ձեռնարկության նախագահ Ալեքսանդր Դոնեցը 112.ua–ի հետ հարցազրույցում։ «Անտոնով»–ը համաձայնագիր է կնքել Boeing–ի ստորաբաժանման հետ եւ վերսկսել է ինքնաթիռների սերիական արտադրությունը։
«Մեր տեխնիկան ունի պահանջարկ եւ գնորդ։ Ահա Silk Way–ի (Ադրբեջան) ներկայացուցիչների հետ վերջին հանդիպման արձանագրությունը։ Նրանք հաստատել են հետաքրքրվածությունը 10 ուկրաինական Ան-178 ինքնաթիռ ձեռք բերելու հարցում»,–ասել է նա։
«Անտոնով»–ի նախագահի խոսքով՝ դրանք կլինեն NEXT շարքի ինքնաթիռներ Aviall–ի կողմից մատակարարվող սարքավորումներիով։
Գնի մասին լրագրողների հարցին Դոնեցը ուշադրությունը հրավիրել է այն հանգամանքին, որ սարքավորումների շուրջ 60 տոկոսը արեւմտյան արտադրության է եւ ավելի էժան է ռուսականից։