Ամերիկյան Tesla ընկերությունը հայտնել է 2018 թվականի երկրորդ եռամսյակում 717,5 մլն դոլար ռեկորդային վնասի մասին, փոխանցում է «ՌԻԱ Նովոստի»-ն:
Ընկերության կայքում հրապարակված հաշվետվությունից հետեւում է, որ վնասները մեծ մասամբ կապված են նոր մոդելների, մասնավորապես՝ Model 3 էլեկտրամեքենայի մեջ կատարված ներդրումներով: Սակայն մոդելի շահույթը «դանդաղ անցնում է դրական ցուցանիշների, սպասվում է երրորդ եռամսյակում այս ցուցաիշի մեծացում մինչեւ մոտ 15 տոկոսով», նշված է հաշվետվության մեջ: Տարվա առաջին եռամսյակում Tesla-ի վնասը կազմել է 336,4 միլիոն:
«Մենք ակնկալում ենք, որ երրորդ եռամսյակում այս փոխադրամիջոցից կարտադրենք 50-55 հազար մեքենա… Մոդելի համախառն շահույթը պետք է զգալիորեն աճի՝ գրեթե մինչեւ 15 տոկոսով երրորդ եռամսյակում եւ գրեթե 20 տոկոսով՝ չորրորդում, գերազանցապես արտադրական ծախսերի մշտական կրճատման մջոցով»,- հայտնում է ընկերությունը:
Սեփական հետազոտությունը վկայակոչելով՝ Tesla-ն պնդում է, որ այս մոդելի համար շուկան չափից ավելի լայն է, քան պրեմիում դասի միջին չափի սեդանների համար: