Մեքսիկայում Հյուսիսային Ներքին Քալիֆորնիա նահանգի Մեխիկալի քաղաքի շրջանում 70-ից ավելի մարդկանց մահվան պատճառն է եղել շոգը: Այս մասին հայտնել է Milenio պարբերականը՝ վկայակոչելով շրջանային դատաբժշկական փորձագիտական ծառայությանը:
Պարբերականի տեղեկություններով՝ հուլիսի 1-31-ը բարձր ջերմաստիճանի պատճառով մահացել է 25-60 տարեկան 73 մարդ, նրանցից 6-ը՝ ջերմային հարվածից: Ծառայության համակարգող Սեսար Ռաուլ Գոնսալես Վական նշել է, որ մահացածներից շատերը տառապել են սիրտ-անոթային համակարգի, երիկամների կամ թոքերի հիվանդություններով, որոնց պատճառն էլ թմրակախվածությունն էր:
Անցած շաբաթվա վերջին Մեքսիկայի նահանգների մեծ մասում շոգի պատճառով մտցվել է արտակարգ դրության ռեժիմ: Այս որոշումը նահանգների իշխանություններին թույլ է տվել հասանելիություն ստանալ քաղաքացիներին օգնության ցուցաբերման հատուկ ֆոնդին:
