«Թալիբան» արմատական շարժումը ստանձնել է Աֆղանստանի «Բաղրամ» ավիաբազայի շրջանում կիրակի տեղի ունեցած պայթյունի պատասխանատվությունը։ Պայթյունի հետեւանքով ՆԱՏՕ-ի առաքելության 3 զինծառայող է զոհվել, եւս 3-ն էլ վիրավորվել են, փոխանցում է «ՌԻԱ Նովոստի»-ն։
Ավելի վաղ հայտնել էինք, որ մահապարտ ահաբեկիչը կիրակի օրը իրեն պայթեցրել էր «Բաղրամ» ավիաբազայի շրջանում, զոհվել էին Աֆղանստանում ՆԱՏՕ-ի առաքելության զինծառայողներ Չեխիայից, վիրավորվել էին ՆԱՏՕ-ի առաքելության ամերիկացի անդամ եւ Աֆղանստանի բանակի երկու զինվոր։
Չեխիայի նախագահ Միլոշ Զեմանը խորին ցավակցություն է հայտնել զոհված զինծառայողների հարազատներին եւ հայտարարել, որ տխուր իրադարձությունը չպետք է խանգարի միջազգային ահաբեկչության դեմ պայքարին։
