Միսը Հայասըանում թանկանում է ավելացված արժեքի հարկի պատճառով: Այս մասին օգոստոսի 9-ին լրագրողների հետ հանդիպման ժամանակ հայտարարեց Սպառողների խորհրդատվական կենտրոնի նախագահ Կարեն Չիլինգարյանը:

Նա նշեց, որ միսը սկսել է թանկանալ դեռ անցյալ տարի. նախորդ տարվա գների աճը 20 տոկոս է կազմել, ինչը պայմանավորված էր անասունների գլխաքանակի արտահանման աճով: 2017 թվականի հուլիսին, օգոստոսին եւ սեպտեմբերին Իրանը մեկ ամսվա ընթացքում 2 հազարական գլուխ անասուն է արտահանվել:

«2018 թվականի սկզբից տավարի մսի գինը մի փոքր նվազել էր՝ մինչեւ 2.7 հազար դրամ, իսկ հետո՝ կտրուկ աճել՝ մինչեւ 3 հազար դրամ: Իսկ իշխանափոխությունից հետո միսը սկսել է հարկվել ԱԱՀ-ով, վերջին 2 ամսա ընթացքում այն թանկացել է եւս 20 տոկոսով», - ասաց Չիլինգարյանը:

Ըստ Չիլինգարյանի՝ իր ազդեցությունն է ունեցել նաեւ այս տարի տեղական մսի արտադրության ծավալի նվազումը 1.5 տոկոսով, ինչը պայմանավորված է անասունների գլխաքանակի նվազմամբ, սակայն ազդեցությունն այդքան էլ զգալի չի եղել: «Այժմ տավարի մսի ներքին պահանջարկը մասամբ ապահովվում է բելառուսական տավարի մսի ներմուծման հաշվին, որը  հայկական շուկայում վաճառվում է հին գներով` 3 հազար դրամով մեկ կգ-ի դիմաց, իսկ տեղական տավարի միսն արդեն արժե 3.5 հազար դրամ», - նշեց ՀԿ-ի ղեկավարը: Նա նաեւ հավելեց, որ տեղական արտադրության խոզի միսն այս տարի թանկացել է մինչեւ 3.5-4 հազար դրամ,

«Այժմ պետք է պարզել, թե որքանով են այդ թանկացումներն օրինական: Սննդամթերքի անվտանգության պետական ծառայությունը եւս պետք է պարզի, արդյոք միսը ուղարկվում է վերամշակման, եթե այն մեկ օրվանից ավել մնացել է խանութների տաղավարներում»,- եզրափակեց ՀԿ-ի ղեկավարը: