Գերմանիայից Թունիս արտաքսված Սամի Ա-ի գործը, որը ենթադրաբար ահաբեկիչ Ուսամա բեն Լադենի թիկնապահն էր հանդիսանում, նոր շրջադարձ է ստացել: Այժմ նրան արգելված է երկրորդ անգամ վերադառնալ երկիր, հաղորդում է DW-ն՝ վկայակոչելով Kölner Stadt-Anzeiger պարբերականը:
Պարբերականի տվյալներով՝ Բոհումա քաղաքի՝ արտասահմանցիների գործերով գերատեսչության կողմից Հյուսիսային Ռեյնի՝ քրեական գործերի գերատեսչության աջակցությամբ նրա անունը ներառվել էր SIS Շենգենյան Տեղեկատվական hամակարգի անցանկալի անձանց ցուցակում: Սամիի համար մուտքի արգելքը գործում է Շենգենյան համաձայնագրի բոլոր երկրներում:
Ավելի վաղ՝ հուլիսի 13-ին, Գերմանիայի Գելզենկիրհեն քաղաքի վարչական դատարանը Սամի Ա-ի՝ Թունիս արտաքսման համար պատասխանատու մարմիններին մեղադրանք էր ներկայացրել անօրինական գործողությունների համար: Դատավորները տղամարդուն Թունիս արտաքսլեու արգելքի մասին որոշում էին ընդունել, քանի որ այնտեղ նա կարող էր խոշտանգումների ենթարկվել, սակայն ինքնաթիռը, որում գտնվում էր Սամի Ա-ն, արդեն օդ էր բարձրացել և լքել էր Գերմանիան:
Այժմ դատարանը պահանջում է վերադարձնել թունիսցուն պետության հաշվին: Իր հերթին, Բոհումայի իշխանությունները բողոքարկել են այս որոշումը: Վերջնական որոշումը պետք է ընդունի գերմանական Մյունսթերի Գերագույն վարչական դատարանը: