ԱՄՆ–ն ինքն է այրել Իրանի հետ բանակցությունների կամուրջը։ Այս մասին հայտարարել է ԻԻՀ նախագահ Հասան Ռոհանին, փոխանցում է PressTV–ն։

Նրա խոսքով՝ ներկայումս Իսլամական Հանրապետությունը բանակցություններ է վարում ամբողջ աշխարհի հետ, սակայն ԱՄՆ–ն գործել  է այնպես, որ ոչնչացրել է բանակցությունների համար անհրաժեշտ պայմանները. «Նրանք այրել են կամուրջները»,–նշել է Ռոհանին։ «Այժմ ԱՄՆ–ն մյուս կողմում է, եւ եթե նրանք բավականաչափ անկեղծություն ունենան, ապա պետք է շտկեն այդ կամուրջը»,–հավելել է ԻԻՀ նախագահը։