Մեքսիկայի ծովային հետեւակազորը Սինագոլա նահանգում հայտնաբերել է մոտ 50 տոննա սինթետիկ թմրանյութեր, հայտնում է Excelsior.
թերթը:
Ըստ հրատարակության թմրանյութերը հայտնաբերել են օգոստոսի 16-ին գյուղական բնակավայրի երկու պահեստներում, հաղորդում է ՌԲԿ-ն:
«Բյուրեղ» անվանումով թմրանյութերը տակառներով եւ պարկերով թաղված էին 4 մ խորությամբ փոսում: Հետախուզական գործողության ժամանակ ծովային հետեւակազորը գտել է նաեւ թմրանյութերի լաբորատորիա:
Ըստ զինվորականների, առաջին պահեստում վաճառքի համար պատրաստվել էր 7 տոննա նյութ: Միեւնույն ժամանակ այնտեղ գտնվել է թմրանյութերով 400 տակառ եւ 50 պարկ: Երկրորդ պահեստում գտել են արգելված նյութերով եւս 100 տակառ:
Ինչպես նշում է թերթը, թմրանյութերի այս խմբաքանակը դարձել է Մեքսիկայի պատմության մեջ ամենախոշորներից մեկը:
